ភ្នំពេញ៖ យ៉ាងយូរដើមឆ្នាំក្រោយ កម្ពុជានឹងអនុវត្ដន៍គោលនយោបាយថ្មីមួយគឺផ្ដោតលើការបណ្ដុះបណ្ដាលជំនាញបច្ចេកទេសវិជ្ជាជីវៈដល់យុវជនក្រីក្រ ដោយឥតគិតថ្លៃ ហើយថែមនឹងផ្ដល់ប្រាក់ខែឲ្យថែមទៀត។ នេះជាការបញ្ជាក់របស់នាយករដ្ឋមន្ត្រីកម្ពុជា សម្ដេចតេជោ ហ៊ុន សែន។
ថ្លែងក្នុងពិធីចែកសញ្ញាបត្រដល់និស្សិតសកលវិទ្យាល័យឯកទេសនៃកម្ពុជា ព្រឹកថ្ងៃទី២៣ ខែមករា ឆ្នាំ២០២៣ សម្ដេចតេជោ ហ៊ុន សែន ថាគោលដៅនោះគឺប្រមូលសិស្សដែលក្រីក្រមិនបានបន្តការសិក្សាអប់រំឲ្យទទួលបានការបណ្ដុះបណ្ដាលជំនាញវិជ្ជាជីវៈក្នុង១ឆ្នាំយ៉ាងហោច ១លាន៥សែននាក់។
សម្ដេចថា៖ «បើយើងដោះស្រាយក្នុង ១លាន៥សែននាក់និងធ្វើឲ្យសេដ្ឋកិច្ចក្រៅប្រព័ន្ធធ្វើសមាហរណកម្មជាមួយសេដ្ឋកិច្ចខាងក្នុង»។
សម្ដេចតេជោបានបញ្ជាក់ថា នេះគឺជាគំនិតរបស់សម្ដេច ហើយការដាក់អនុវត្តគឺនឹងអាចចាប់ផ្ដើមនៅចុងឆ្នាំនេះ ឬនៅដើមឆ្នាំក្រោយ៕
ព័ត៌មានជាច្រើនទៀតសម្រាប់អ្នក
